一年365日，广东人360日都会热气

继食福建人、饭前渌碗之后，

我又发现咗广东人一大特征

我哋广东人

真系好怕热气啊！

热气到咩程度？

从广东人嘅对话之中就可以明白

我：妈！我牙痛啊！

我：妈！我头痛啊！

我：妈！我便秘啊！

一年365日

你阿妈觉得你360日

所有嘅唔舒服

都系因为

喺广东仔女眼里，“你热气啊”已经成为咗阿妈数落你之中最高得票语句之一，无论你有乜头晕身兴，只要一句“你热气啊”，仿佛就可以解释所有问题一样。

为此，

外地朋友仲可以听到广东人嘅一句口头禅：

唔食→热气，唔食→热气，唔食→热气

点解广东人咁容易热气？

仲唔系因为呢度水土太好咩！

每日喺40°C高温下游走，夏天冇试过喺广东街头行走过，感受一下内外夹击嘅热潮，永远唔知上火到底有几可怕！

表里如一，笑着流汗。

而且你要知道

每一个广东人身边

都围绕住一堆：

正所谓食在广东，人人都知道广东人有饮早茶嘅习惯，从里面大部分差点都系蒸嘅可以睇得出，热气，系广东人不得不说嘅痛！

你今日热咗气未？

而喺广东父母眼中，

屋企除咗常备“老火靓汤”之外，

 凉茶都系万能嘅 ：

我：阿妈我头痛啊

我：阿妈我便秘啊

我：阿妈我唔舒服啊

一年365日，

你阿妈觉得你要饮足360日凉茶降火

喺广东父母眼中，

凉茶 = 万能药物

所以有乜唔舒服

饮杯凉茶啦！

喺广东阿妈眼里，“饮凉茶”已经可以当水咁饮！冇乜病系凉茶解决唔到嘅，如果有咁就系因为饮唔够，广东人只有喺饮凉茶嘅嗰一刻觉得唔热气！

因为对于广东人而言，饮凉茶同呼吸一样自然。

因为广东人热气就要饮凉茶

所以你屋企左近一定有间凉茶铺

务求做到

你需要我就喺度！

得闲一杯凉茶，清清热气降降火，凉茶铺个姐姐将会化身中医为你详尽解答，选择一款最啱你嘅降火凉茶！

我哋饮嘅凉茶，仲多过我哋饮嘅水！

广东人到底有几容易热气？

仲可以从女仔外出嘅袋里面睇得出

一般情况下

广东女仔打开嘅袋

总系可以搵到一两件同“降火”有关嘅药

每次食完热气嘢，都要饮返杯凉茶 / 抗病毒口服液，或者啪返几粒牛黄解毒丸 / 清开灵。

务求令到唔清楚呢度水土嘅外省朋友可以充分了解到呢度嘅“热气”到底有几咁可怕！

同时，

广东人仲系好食得苦嘅人

从我哋嘅饭后甜品就可以睇得出

人哋食完甜品都开心到飞起，而我哋广东人就唔同，食嘅甜品都乸埋口面（因为实在太苦！），食完就可以准备升仙。

无论你今日热唔热气，食返盅龟苓膏实冇错！

而更加神奇嘅系，

广东人食嘢

仲会追求“属性相克”呢个规则

相信你平时都听唔少

我：妈，呢几日天口热，食西瓜啦！

妈：你寒凉体质啊，唔准食！

我：妈，最近啲荔枝好甜，买多几斤食喇！

妈：荔枝热气啊，你湿热底，唔准食！

我：……

所以到底系热底，定系寒底，一直成为广东仔女心中嘅疑问。

最后献上一曲

作为今日嘅Ending

广东人咁恐惧热气

仲有一个最严重嘅原因：

一个唔觉意，濑咗嘢，其中嘅趣事，只有当事人先知。

活在广东，相信唔少广东人都感受过菊花被支配着嘅恐惧！

除咗惊热气

各位自己友觉得广东人仲有乜特征？

快啲嚟为你嘅特征投票喇！

炎炎夏日啱啱先开始

各位自己友，

你哋屋企平时会点对付你哋嘅热气？

欢迎留言同我哋分享！